Ас. м-р Димитар Крстески

	+389 (0)2 3116 328 / 123
	Оваа е-адреса е заштитена од спамботови. Треба да ви е овозможено JavaScript за да ја видите.

 ОДЛУКА ЗА ЗВАЊЕ

м-р Димитар Крстески е роден во Скопје во 1981 година. По дипломирањето во 2012 година на Архитектонскиот факултет – Скопје при Универзитетот „Св. Кирил и Методиј“ во Скопје, магистрира во областа на архитектонско проектирање – стопански објекти на Архитектонскиот факултет – Скопје при Универзитетот „Св. Кирил и Методиј“ во Скопје во 2016 година.

Во 2021 година се запишува на докторски студии на Архитектонскиот факултет – Скопје при Универзитетот „Св. Кирил и Методиј“ во Скопје и работи на својот докторски труд со наслов „Анализа на стопанските дворови и нивното влијание врз просторните промени во селата на Скопска Црна Гора“.

Во периодот од 2016 до 2020 година, како стручњак од пракса учествува во изведувањето на наставата по предметите Архитектонско студио 7, Архитектонско студио 8 и Интегративното студио. Во 2020 година е избран за асистент на Архитектонскиот факултет – Скопје при Универзитетот „Св. Кирил и Методиј“ во Скопје.

Во 2023 година учествува на 18. Меѓународна изложба на архитектура – La Biennale di Venezia, како куратор на проектот на Македонскиот павилјон со наслов „Приказни за летната школа за архитектура во манастирот Св. Јоаким Осоговски“.

Неговото истражување се фокусира на архитектонската типологија на стопанските дворови во контекст на одржлив развој. Има објавено два труда „Agricultural yards in rural areas in the context of sustainable development – The example of Brodec village“ и „Agricultural yards in rural areas in the context of sustainable development – The example of Gornjane village“.